Gibson ES
Gibson ES არის ელექტრო - აკუსტიკური გიტარა, რომელიც Gibson Guitar Corporation- ის მიერ არის წარმოებული. სახელწოდება - ES ნიშნავს Electric Spanish.
ES-5 არის ES სახელით წარმოებული პირველი გიტარა. ეს გიტარა უნდა ყოფილიყო ელექტრო ვერსია იმ დროისთვის პოპულარული ჯაზის გიტარისა - Gibson L-5. ES – 5 პირველად გამოუშვეს 1949 წელს. სხვა მსგავსი გიტარებისგან განსხვავებით ამ გიტარას გააჩნდა 3 განსხვავებული ხმის ღილაკი. ეს უკეთესი იყო ვიდრე მანამდე არსებული გადამრთველები და სთავაზობდა მომხმარებელს უკეთეს კონტროლს ტონალობაზე. 
მიუხედავად ამ ყველაფრისა ეს გიტარა მაინც არ იყო ისეთი პოპულარული როგორც სხვა ES სერიის გიტარები. ამიტომაც კომპანიამ მისი გაუმჯობესება გადაწყვიტა და 1955 წელს შექმნა „ES-5 Switchmaster“, რომელსაც ქონდა ახალი 6 ღილაკიანი გადამრთველი, რომელშიც შედიოდა ხმისა და ტონის შემცვლელი ღილაკები. “ES-5 Switchmaster” გამოდიოდა 1962 წლამდე.
ES-335 არის მსოფლიოს პირველი თხელი ელექტრო აკუსტიკური გიტარა. ის გამოუშვა კომპანია Gibson-მა 1958 წელს. მას სხეულზე აქვს ორი ვიოლინოს სტილის ხმის ხვრელი და ელექტრო გიტარების მსგავსი ფრთები მაღალი ლადების მისაწვდომად.
1952 წლამდე Gibson-ი უშვებდა მხოლოდ მსხვილ ტანიან აკუსტიკურ და ნახევრად აკუსტიკურ გიტარებს. ამ წელს Gibson-მა შექმნა ახალი Les Poul-ი რომელმაც საკმაო წარმატება მოუტანა. 1958 წლისთვის Gibson-ის მიერ წარმოებული ყველა გიტარა სოლიდური იყო და არა ისეთი როგორიც წინა მოდელები. მათ ჰქონდათ Les Poul-ის მსგავსი pickup სისტემა. 
ES-335 ყველა სხვა მოდელისგან გამოირჩეოდა უფრო რბილი ჟღერადობით და ამასთან მას თითქმის არ ჰქონდა უკურეაქცია ( ვიბრაცია დაკვრის დროს). ES-335 იყო ძალიან პოპულარული საკმაოდ ბევრი სახის მუსიკოსებში, მათ შორის ბლუზში, ჯაზში და როკშიც კი. საკმაოდ ხელმისაწვდომი ფასით $267.50, ეს გიტარა გახდა და დღესაც არის ერთერთი ყველაზე გაყიდვადი.
ალბათ არ იქნება შეცდომა თუ Gibson ES-335 ის ყველაზე ცნობილ მომხმარებლად B.B. King-ს დავასახელებთ. მისი გიტარა „Lucille“ არის 1981 წლის მოდელი. ეს კონკრეტული მოდელი სხვა ES-335-სგან განსხვავდება იმით, რომ მას აქვს ნეკერჩხლის გრიფი წითელი ხის გრიფის ნაცვლად. ასევე მას მოყვება სახელი “Lucille”- გიტარას რომელიც დაწერილი აქვს გრიფის ბოლოში.
იმის გამო რომ ეს გიტარები ყველა ფენის მომხმარებლისთვის ყოფილიყო ხელმისაწვდომი, კომპანია Gibson-მა გამოუშვა Epiphone ES გიტარები, რომელიც უფრო ნაკლები ფასი ღირს.
